Rebecca De Mornay

La Rebecca Jane Pearch, cgnusùda méj c'n al nóm 'd art ad Rebecca De Mornay (Santa Ròśa, 29 'd Agóst dal 1959) l'è n'atōra americàna.

L'è stada par pôc tèmp la muróśa 'd Tom Cruise cgnusû su 'l set dal film Risky Business - Fuori i vecchi... i figli ballano dal 1983 ma pò la s è spuśàda in dal 1995 c'n al fiōl 'd Ryan O'Neal, Patrick, che prima 'd divìd'r-as sèg al gh'à dū fiōli, la Sophia e la Veronica.

Nada in Califòrgna, carsùda in Frància, studènta in dal Régn Unî e diplumàda in Àustria, la De Mornay da śōvna la stùddia recitasiòṅ a 'l Lee Strasberg Institute a New York. La fà 'l sò debùt a 'l cìnema in na pelìcula 'd Francis Ford Coppola dal 1982, Un sogno lungo un giorno, pò 'l an dòp la tōś part a la cumèdia Risky Business - Fuori i vecchi... i figli ballano insém a Tom Cruise.

In dal 1988 la lavóra c'n al regìsta francéś Roger Vadim in E Dio creò la donna, pelìcula ch'la gh fruta na nomination a i Razzie Awards cuma atōra lòfi ma la vinsidōra l'è la Liza Minnelli. La Rebecca la fà invéci sèntar c'n al thriller dal 1992 'd Curtis Hanson La mano sulla culla in du la fà na badànta ciucàda in dla suca ch'la vōl a tut i cóst la putìna dl'Annabella Sciorra tuta par lē. Par cla part chè la vins al prèmi p'r al catìṿ mijór a i MTV Movie Awards dal 1992 e anc al prèmi dl'atōra a 'l Fèstival dal film pulisiésc ad Cognac.

In chi an lè la gira di àtar thriller cuma Per legittima accusa ad Sidney Lumet, Fuoco assassino 'd Ron Howard e Mai con uno sconosciuto ad Peter Hall.

In dal 2012 la fà la part dla Rachel in dla cumèdia American Pie: Ancora insieme.

• 1982 - Un sogno lungo un giorno (One from the Heart), regìa ad Francis Ford Coppola
• 1983 - Risky Business - Fuori i vecchi... i figli ballano (Risky Business), regìa ad Paul Brickman
• 1983 - Testament, regìa ad Lynne Littman
• 1985 - A trenta secondi dalla fine (Runaway Train), regìa 'd Andrej Končalovskij
• 1985 - La moglie del campione (The Slugger's Wife), regìa 'd Hal Ashby
• 1985 - In viaggio verso Bountiful (The Trip to Bountiful), regìa ad Peter Masterson
• 1987 - La bella e la bestia (Beauty and the Beast), regìa 'd Eugene Marner
• 1988 - F.B.I. - Agenti in sottoveste (Feds), regìa ad Daniel Goldberg
• 1988 - E Dio creò la donna (And God Created Woman), regìa ad Roger Vadim
• 1989 - Dealers, regìa ad Colin Bucksey
• 1991 - Fuoco assassino (Backdraft), regìa ad Ron Howard
• 1992 - La mano sulla culla (The Hand That Rocks the Cradle), regìa ad Curtis Hanson
• 1993 - I tre moschettieri (The Three Musketeers), regìa ad Stephen Herek
• 1993 - Per legittima accusa (Guilty As Sin), regìa ad Sidney Lumet
• 1995 - Mai con uno sconosciuto (Never Talk to Stranger), regìa ad Peter Hall
• 1996 - Il vincitore (The Winner), regìa 'd Alex Cox
• 1999 - Ladri per la pelle (Thick as Thieves), regìa ad Scott Sanders
• 1999 - A casa da sola (A Table for One), regìa ad Ron Senkowski
• 2000 - Tentazione pericolosa (The Right Temptation), regìa ad Lyndon Chubbuck
• 2003 - Identità (Identity), regìa ad James Mangold
• 2004 - Nata per vincere (Raise Your Voice), regìa ad Sean McNamara
• 2005 - Lords of Dogtown, regìa dla Catherine Hardwicke
• 2005 - 2 single a nozze - Wedding Crashers (Wedding Crashers), regìa ad David Dobkin
• 2007 - Music Within, regìa ad Steven Sawalich
• 2007 - American Venus, regìa ad Bruce Sweeney
• 2010 - Mother's Day, regìa ad Darren Lynn Bousman
• 2010 - Il primo amore non si scorda mai, regìa ad Rob Reiner
• 2012 - American Pie: Ancora insieme (American Reunion), regìa ad Jon Hurwitz e 'd Hayden Schlossberg
• 2012 - 1303: La paura ha inizio (Apartment 1303 3D), regìa ad Michael Taverna
• 2016 - Io sono vendetta (I Am Wrath), regìa ad Chuck Russell
• 2017 - Collar, regìa ad David Wilson

• (EN) Filmugrafìa in s'l IMDb

• Wikiquote contiene citazioni di o su Rebecca De Mornay
• Wikimedia Commons contiene file multimediali su Rebecca De Mornay